Dy vjetori i Pavaresise se Kosoves ne Grand Rapids

Në dy-vjetorin e pavarësisë së Kosovës në Grand Rapids

Nga Redin Hafizi

 Ditën e dielë,28 shkurt,në Grand Rapids,Michigan Shqiptarët u mblodhën së 

bashku për të festuar dy-vjetorin e Kosovës së pavarur.Tashmë janë kthyer në një 

traditë shumë të bukur edhe në Grand Rapids, festimet e shumta dhe sidomos për 

ditën e flamurit kombëtar dhe dita kur u shpall pavarësia e Kosovës.Në mes të 

një prej komuniteteve më të rinj të shqiptaro-amerikanëve si ky i Michiganit 

Perëndimor që më shumë është përqëndruar në zonën e Grand Rapids,ndjehet dëshira 

e shpalosjes së vlerave tona kombëtare dhe kulturore.Megjithatë dy vjetori i 

pavarësisë së shtetiot më të ri në botë këtë vit solli gjëra të reja dhe 

gjithashtu më shumë vlera përpara të pranishmëve që kishin ardhur të 

festonin.Gjithashtu cdo aktivitet  hapet me hymnet Shqiptarë dhe Amerikanë.

    Si cdo vit edhe këtë vit në krye të organizimit të aktiviteteve te tilla 

eshte i palodhuri Fadil Cana që me ndihmën e disa anëtarëve të grupit 

organizator,kanë bërë të mundur që Shqiptarët e Michiganit Perëndimor t’i 

bashkohen trupit të madh të diasporës shqiptare të Amerikës sidomos në dy ditët 

e mëdha,ditën e flamurit kombëtar dhe ditën e pavarësisë së Kosovës.Megjithatë e 

reja e këtij viti ishte se për koincidencë botuesi i revistës së mirënjohur 

tashmë mes Shqiptarëve,revistës “Kuvendi”,z.Pjetër Jaku,i kërkon organizatorëve 

të mbrëmjes festive t’i bashkangjiten gëzimit në Grand Rapids.Z.Jaku erdhi i 

shoqëruar nga një grup bashkëpunëtorësh të tij dhe gjithashtu të njohur në 

diasporën e madhe të Detroitit, të cilët i dhanë festës disa ngjyra të tjera. 

Përvec këngëve të shumta poeti Gjovalin Lumaj që në të njëjtën kohë bënte edhe 

moderatorin e mbrëmjes,solli shumëhumor mes të pranishmëve.Gjithashtu edhe 

poezitë e recituara nga miqtë nga Detroiti i dhanë mbrëmjes pamjen e një panairi 

të vlerave kulturore gjithshqiptare.

Shqiptarët nga Michigani lindor e ai perëndimor më në fund po 

festonin së bashku.,uronin njëri-tjetrin,bisedonin me njëri tjetrin,krijonin 

miqësi të reja,apo takonin edhe miq të vjetër. 

    Fjalën zyrtare si cdo vit e mbajti z.Fadil Cana që në fakt shumë Shqiptarë 

këtu e thërrasin kryetari,vetëm për angazhimin total që ai ka treguar për t’i 

mbledhur bashkëkombasit në aktivitete të tilla argëtuese.Pasi ai falënderoi 

gjithë të pranishmit në sallë dhe në vecanti miqtë nga Detroiti,z.Cana në fillim 

bëri një paraqitje të gjendjes aktuale në Kosovë thjesht për një informim të 

pranishmëve në sallë,por më shumë u ndalua tek besimi se e ardhmja do të jetë 

edhe më e mirë.Ai tha se gjaku i derdhur nga dëshmorët për lirinë e Kosovës nuk 

është derdhur kot.Kosova shumë shpejt do të jetë e barabartë mes të gjitha 

vendeve të tjera të zhvilluara në botë.Më poshtë ai tha se në këtë ditë të 

gjithë duhet të falënderojmë të gjitha vendet që ndihmuan në pavarësinë e 

Kosovës dhe në vecanti SHBA-të që ende po e asistojnë shtetin më të ri në botë 

për ndërtimin e një sistemi të

 vërtetë demokratik.

    Më pas sallën e pushtuan vargjet e fuqishme të poetëve shqiptarë të 

recituara me mjeshtëri aktoreske nga i talentuari dhe i apasionuari Ndue 

Gjeka.Jo vetëm vargjet e forta,por edhe zëri i kumbueshëm ngritën peshë të 

pranishmit dhe në këtë moment për ta shtyrë akoma lë lart entuziazmin e të 

pranishmëve,miqtë nga Detroiti kishin sjellë këngëtaren e mirënjohur Hane 

Nikprela e cila është shumë e pëlqyer edhe mes Shqiptarëve të Grand Rapids.Ishte 

zëri i saj që ngriti të gjithë sallën në këmbë për të kërcyer nën ritmin e 

këngëve Shqiptare.

 ( Fotot do vendosen me vone)