Seksionet
Newsletter
Sondazh: Dizajni
A ju pëlqehet Artikulli?
Çelen portokallet Zunë të çelin portokallet, Fqinja ime kukuriset. E ndjej zjarrin te me kallet Prej gugusë që guguriset. Kukuriset mikja ime Tek ujitka karafila. Ku me jeni ju, burime, T’ju gllënjk ato currila?... Botë e vogël Më ngjeth kjo botë e vogël, Me pjata e me lugë, Rrëgjuar porsi gogël, Lëmuar si me zdruk… Ta hedh në gojë garbiçi,* Nuk mundem.. rri hesht… Nga hiçi shkundet hiçi, Nga vjeshta shkundet vjeshtë. T’i përkëdhel minutat, Çudi!... Asgjë nuk ndjejnë, Ashtu si prostitutat, Që puthjet ti shgënjejnë. Më ngjeth kjo botë e vogël Ku hiçi shkundka hiç; Rrëgjuar porsi gogël, Ta hedhësh në garbiç.. Vallet Të magjeps Në pranverë Vallja e luleve… Në gusht Vallja e yjeve. Në vjeshtën e dasmave Vallja e nuseve E vallja e shpatave… Më ngjeth mishin, E ditpërditshmja Vallja e pjatave… Nallanakja Ç’marrin brigje kësaj ane, I njoh mirë e mirë më njohin. Nallanaken me nallane Sytë e mi kurrkund s’e shohin. Pyes pleq e pyes plaka, Po askush për të s’më flet, Veç një vashë me të më ngjajka, Lidhur flokët një gërshet… Sa i qasem, gojëçaprazët Më këlthasin: - Mos iu qas! Pa më shfryjnë ato marazet, Sikur qenkam kamikaze… Thembrat kthej nga kisha majat, Pa mësuar asgjësend. Pse s’mu shembën vallë krenajat, Të më linin top në vend?... I them vetes: - Ky është faji, Që po pyes për dikë?! Unë nuk jam si maskarai, Që rren vajzat për hiçgjë… Kokën ul i merakosur, Ndjejë të nxehtë si në korrik. Fshati im!... Ç’të ka vrerosur? Pse s’beson asnjë çikë? Bija e lalës Ku po vajtka bijë e lalës?... S’di se ku… Tek e shihkam, psherëtikam: “ U- bu- bu!,, Sytë më mbetën te fustani qiell-blu… Ajo vetëm… Dhe unë vetëm… ballë për ballë… Një rrenqethje m’u purriq gjer në kokallë… Mu mek goja.. As i vdekur… As i gjallë… Si s’mu shkrep një fjalë e vetme, që t’i flas?... Si u ngula porsi gozhda në dërrasë?... Si s’u shkula e ti vija asaj pas?... Pas një shtegu, sikur s’ishte, u firas! Kur vjen maji, më fanitet shtati i saj Me fustanin kind-pranvere, qiell-maj… Ikën maji… Nuk më ikin sytë e saj… S’më bëjnë këmbët S’më bëjnë këmbët gjer te miku Ku jam krushk e ku jam gjysh, Sa shpejt iku dhe korriku, Malli im më qahet sysh… Bota niset edhe kthehet Gjithë e qeshur plot gazmend. Gusht’ i vapës rrokullehet Dhe shtatorit i le vend. Zot, o Zot, i kam ca nipër Që ma mbushin pleqërinë! Më shfletojnë ashtu si libër Rrudhë më rrudhë e thinjë më thinjë. Ç’mund të bëj më mirë? Me një lot ju qaj një brengë, Me një def ju bëj aheng… Me një zog ju bëhëm qiell, Ju ylberem, shi e diell. Lajkatarit lajkë më lajkë
I falë harresën, i kthej krahtë. Nëpër shkurtin shkurtaraq Ç’mund të bëj më shumë se kaq? Muzikë Një muzikë e pikëlluar Më ndajnatet mbrëmjesore. Shetis veten i trishtuar, Si ta kem atë përdore. Porsi dhembje ndizet mbrëmja, Në përndezje s’më merr leje. Këtë mbrëmje do ta nëmja, Por, ah, dhembka brenda meje. Gërshetat Lahes së Paprit Prolog Ç’hijeshi i kishte shtati Me gërshetat për së gjati! Ia kish prekur vetëm flladi… Pati shumë që qenë përpjekur, Si padashje, për ta prekur.. Me një fjalë i linte mekur! Eh, një muzgu, nën qershi E hutoi një vetullzi…\ Bëri ç’deshi gjer u gdhi! Pastaj iku… Më s’u pa… Qeshte bota ha-ha-ha, Vetë qershia, thonë, u tha… Lahja priste, vetëm priste… Barra barkun po ia rriste.. Të ish gur do të pëlciste! Shkuan vera… E zhegitën! Shkuan vjeshta.. E veniten! Dy gershetat ia përhiten… Tha: “ Me fatin nuk u haka! Halli-hallit nuk i ngjaka! Njolla e jetës nuk u laka!...” Epilog Ç’e përflisni Lake-Lahen? Dhe e vdekur, sytë i qahen… Dy gershetat mend i mbahen! 2007-2008
Komentimet (0 të postuar)
Politikë
Publicistike
