Shtypi amerikan per zgjedhjet ne Kosove

Bugajski : "Kosova, me zgjedhje të lira dhe të ndershme, të qeta,e pa probleme, zhvulluar në një klimë politike konkurruese e  demokratike, është mënyra më efektive për të demonstruar se Kosova synon të jetë një anëtare e plotë e bashkësisë ndërkombëtare,"

NEW YORK CITY : Televizionet dhe gazetat më të mëdha amerikane , i kanë kushtuar vend të posqëm zgjedhjeve në Kosovë. Ato shkruajn se kjo ka qenë një fusht dhe ditë zgjedhjesh model - deri ditët e fundit - kur një grup njerëzish hodhën gurë dhe vezë në konvojin e Kryeministrit të Kosovës në Pejë, dhe kur ndaj kandidatit të AAK në Mitrovicë, u gjuajtë me armë zjarri . Sipas tyre, vetëm këto dy akte u shënuan në një fushat intenzive, të qetë e pa probleme, deri kur "një rrymë e dhunës" vetëm disa ditë para mbylljes së fushatës, "tentoi t'ia prishë imazhin Kosovës, tash që ajo po mban zgjedhjet, e saj të para që nga shpallja e pavarësisë. Zgjedhje, këto që janë parë  si shumë të rëndësishme, nga shumë prej kancelarive të botës, pasiqë ato do t'i tregojnë botës së Kosova, me të vërtet ka shtet dhe di të mbaj zgjedhje model.

Ajo ndodhi dy ditë para zgjedhjeve, qe "flakërim" që zyrtarët ndërkombëtarë e quajtën një rast të izoluar - duke parë se zgjedhjet lokale të djelën u zhvilluan paqësore dhe pa probleme.

 Media amerikane thotë se "Në Kosovë në këto zgjedhje janë në gara kryetarët e 36 komunat, gara për kryebashkiakët dhe gara për anëtarët e kuvendit komunal. Ndërsa, me më shumë se 1.5 milion njerëz me të drejtë për të votuar patën rastin dje për të zgjedhur atë kë quajn më të mirin për ta. Ndërkaq, 13 dhjetori është caktuar si ditë për raundin e dytë të zgjedhjeve, për kryetarët e komunave, anëtarët e këshillit komunal, dhe kryetarët e bashkive. Kuptohet vetëm nëse mund të jenë të nevojshme dhe ku do të ketë balotazhe."

  Qeveria e Kosovës i kushtojë rëndësi të madhe këtyre zgjedhjeve. "Intervenimi në procesin zgjedhor, është konsideruar nga qeveria si një shkelje serioze dhe vepra penale të dënueshme, të cilat do të ndiqen penalisht nga organet përkatëse ligjore," tha qeveria e Kosovës në një deklaratë të postuar në Websajtin e Kryeministrit Thaçi disa ditë para zgjedhjeve.
    Po thuajse të gjitha gazetat e përditëshe amerikane, vrejnë në shkrimet e tyre, se sezoni një mujor gjatë fushatës, ka qenë "kryesisht pa dhunë", shkruajn këto të përditëshme teksa i referohen   dekalratës së Ambasadës Amerikane në Prishtinë, kryeqytetin e Kosovës. Ato vënë në dukje vetëm një rrëmujë "me vuajtje" dhe u bënë thirrje deri ditëne zgjedhjeve "liderëve politikë, aktivistëve të partive  të përmbahen nga të gjitha aktet e  dhunës dhe provokimeve." Çka edhe me të vërtet ndodhi" të gjithë u disatncuan dhe zgjedhjet ishin të shkëlqyera"
   Disa të përditëshme njohin opinionin amerikan me atë se Kosova ka qenë prej kohësh një vend i sunduar nga Serbia, megjithse ajo është me një shumicë etnike shqiptare. Por, prej vitit 1999 ajo është e lirë, dhe ka qënë e administruar nga OKB-ja, deri sa më 17 shkurt 2007, shpalli pavarësinë e saj . Dhe tani ka të gjitha institucionet e saj udhëheqëse.
 Sipas, tyre, Qeveria e Kosovës vlerëson se popullsia e vendit është në më shumë se dy milion banorë. Me rreth 92 për qind, shqipëtarë, 5.3 për qind serbë dhe 2,7 për qind grupe të tjera.
  Një e përditëshme prestigjoze njujrokeze "Daily News" shkruan ndër të tjera se "Pas luftës brutale në Kosovë, e cila nisi që në fund të viteve 1990, në fushatën e Millosheviqit nga Fushë Kosova, në vend erdhën duke u shtuar forcat të sigurisë serbe dërguar prej Beogradit, të mbështetur nga paraushtarakët serbë të Kosovës. Për, të vëzhguar në atë kohë ecurinë e ngjarjve të tilla, në të gjithë vendin filluan të veprojnë  misione të OKB-së dhe  OSBES vetëm për të vëzhguar.
  Dy të përditëshme të Nju Jorkut, New York Poste dhe NewsDay, shkruajn mes të tjerave se "Agresioni serb ndaj popullit shqiptarë të Kosovës, arriti kulmin në fund të vitit 1998 dhe gjashtë mujorin e parë të vitit 1999 - kur nën drejtimin e Slobodan Millosheviç, gjithçka që ishte shqiptare, në Kosovë, u dogj u palçkit me dhunë, u bombardua dhe iu vu zjarri, u përzunë nga shtëpitë e tyre me forcë afro një milion shqiptarë, ndërsa u vranë më shumë se 13 mijë vetë dhe mijra të tjerë humbën.

  Kjo kishte bërë që NATO dhe aleatët e saj të zhvillonin dy muaj e gjysmë  bombardime intensive të NATO-s, në Serbi dhe në caqet e tyre ushtarake në Kosovë. Millosheviçi, si shkatar kryesorë i kësaj tagjedie, katër vjet më vonë u arrestua dhe u dërgua për gjykimi në Gjykatën Penale Ndërkombëtare për ish Jugosllavinë (ICTY) në Hagë. Deri sa ai ishte duke pritur gjykimin u deklarua se ai  vdiq më vonë pas një sulmi në zemër."
 Nëdrsa gazeta më e madhe në Nju Xhersit, Star-Ledger theksonë se "Populli i Kosovës, institucionet e saj shumica shqiptare përfundimisht deklaruan Kosovën e pavarur në 17 shkurt 2007, por Serbia dhe serbët kan  kundërshtuar këtë veprim. Ata pretendojnë akoma se Kosova i përket asaj si territor serb dhe refuzojnë të njohin sovranitetin e saj, megjithse deri tani Kosovën e kan njohur 63 shtete, dhe nga shtete më të mëdha dhe më të fuqishme të botës."
Muajin e ardhshëm, në Gjykatën Ndërkombëtare të Drejtësisë, Serbia pritet për t'a sfiduar pavarësinë e Kosovës - të njohur nga Shtetet e Bashkuara dhe vende të tjera . Beogradi u bënë thirrje serbeve në Kosovë, të bojkotojnë zgjedhjet , me logjikën se pjesëmarrja e pakicave serbe në zgjedhje, do të jetë një njohje e heshtur e pavarësisë së Kosovës.
Në një analizë të saj Atlanta- Journal cek faktin se "Kosova dhe mbështetësit e saj në komunitetin ndërkombëtar duan që serbët vendas të përqafojnë shtetin e ri, Presidenti Fatmir Sejdiu përshëndeti një telefonatë të bërë nga 100 intelektualë serbë, në Kosovë, duke u bërë thirrje serbëve të Kosovës, që të marrin pjesë në zgjedhje dhe kundërshtoi ato zëra serbe, që ai thotë se janë duke dekurajuar serbët e Kosovës, që të mos shkojn në votime."
"Unë ftoj të gjithë anëtarët e komunitetit serb, të cilët janë qytetarë dhe banorë të Kosovës për të marrë pjesë e të jenë të përfshira në të gjitha fushat e jetës shoqërore dhe publike. Kjo do të jetë për të mirën e të gjithë neve, në dobi të çdo familje dhe për të mirën e të gjithë qytetarëve, të Kosovës " tha Presidenti i Kosovës Fatmir Sejdiu.
  Gazeta Los Angelos Times, i referohet Komisionit zgjedhor, teksa shkruan  se të 74 subjekteve të certifikuara politike në gara, janë nga 34 subjkte politike shqiptare, 22 serbe, dhe pjesa tjetër etnive të tjera - boshnjake, turke, ashkali, Malit të Zi, egjiptian, goranë dhe romë.
  Sipas LAT, Ambasadori i SHBA në Kosovë, Kristofer Dell, thotë se ka një "pjesmarrje në rritje" të pjesmarrësve në zgjedhjeve ". Ai përmendi synimin e decentralizimit, si një përpjekje për t'u dhënë më shumë pushtet si për shqiptarët, serbët dhe të tjerët,"për të marrë përsipër përgjegjësinë për organizimin e tyre, për drejtimin e qeverisjes së tyre lokale."
 "Unë besoj se zgjedhjet e 15 nëntorit, janë një mundësi dhe janë të rëndësishme edhe për komunitetin serb të Kosovës për të marrë më shumë kontroll , në çdo drejtimi të jetës së tyre në mënyrë që me të vërtetë të zgjidhin këtë çështje," tha në një fjalim muajin e kaluar, ambasadori amerikan në Prishtinë Kristofor Dell.
  Edhe kanalet televizive amerikane patën në emisionet e tyre informative lajme për zgjedhjet në Kosovë. CBS, NBC, ABC, MNBC , CNN, i referohen kryesishtë axhensisë së lajmeve Associated Press. Ato thonë se "  Është hera e parë që Kosova organizon zgjedhje vetë, tha Dell , me Komisionin Qendror të Zgjedhjeve të tij - duke u ndihmuar me asitencë prej Kombeve të Bashkuara ose Organizata për Sigurinë dhe Bashkëpunimin në Evropë -
 Sipas televizineve amerikane, "Edita Buçaj, zëdhënësja e ngarkuar për misionin e OSBE-së në Kosovë, i tha CNN-it, se "Përshtypja e përgjithshme është se fushata ka qenë relativisht i qetë." Ajo shtoi se :' OSBE-ja - e cila, ka qenë organizuesja e të gjitha zgjedhjeve në Kosovë që nga viti 2000 deri në 2006-të, tani ofron vetëm përkrahje teknike dhe jep këshilla për  Komisionin Qendror Zgjedhor të Kosovës, "me siguri do të donin të shihnin një proces të rregullt pa incidente të dielën", tha Buçaj.
 CNN-i  ka intervistuar një ditë para zgjedhjeve Janush Bugajski i cili është drejtor i Projektit demokracitë e reja evropiane në Qendrën për Studime Strategjike dhe Ndërkombëtare në Uashington. Bugajski i ka thënë CNN-it, - se "Zgjedhjet lokale janë politikisht dhe ndërkombëtarisht të rëndësishme në evolucionin e shtetit të ri të Kosovës."
  Ai ka cekeur se "Në vërejtjet e botuara nga CSIS të enjten, Kosova ka "dhimbje në rritje, dhe dashamirësi në rritje." Kosova, tash është në fazën e shteteve emergjente", këto janë në fazat e hershme që i kan kaluar më parë se të bëhen shtete, edhe vende të tjera para Kosovës. Ai përmendi "kapacitetet e pamjaftueshme administrative, dhe mbikëqyrjes së kufizuar të organeve qeveritare, dhe pamundësisë për të ofruar shërbime esenciale  të qytetarëve."
   Sipas Janush Bugajski  drejtor i Projektit demokracitë e reja evropiane në Qendrën për Studime Strategjike dhe Ndërkombëtare në Uashington, thuhet; "Kosova ka probleme të tjera - mbasi Prishtina, sot, nuk ka kontroll në tëgjithë territorin e Kosovës, ka një strukturë rudimentare të sigurisë, dhe mbetet kryesisht i varur nga institucionet ndërkombëtare," tha ai.
  Por, tha Bugajski, për CNN, zgjedhjet e 15 nëntorit, "do të tregojnë angazhimin e Kosovës për parimet demokratike" dhe për t'i ndihmuar pavarësisë së Kosovës, t'ju jap të kuptojnë kundrshtarët e saj  "se një demokraci e qëndrueshme në rritje në zemër të Ballkanit, kontribuon për stabilitetin e rajonit." Dhe, se radikalizëmi duke mbajtur gjatë sjellin "kohë të vështira ekonomike" e cila do të jetë sfida më "të mëdha vendit në vitet përpara."
  Në fund ai thotë "Kosova, me zgjedhje të lira dhe të ndershme, të qeta, e pa probleme, zhvulluar në një klimë politike konkurruese demokratike, është mënyra më efektive për të demonstruar se Kosova synon të jetë një anëtare e plotë e bashkësisë ndërkombëtare," tha Janush Bugajski i cili është drejtor i Projektit demokracitë e reja evropiane në Qendrën për Studime Strategjike dhe Ndërkombëtare në Uashington.