PD, Mëhilli: Edvini dhe Ditziu, lot krokodili ndaj liberalizimit të vizave për qytetarët shqiptarë

Partia Demokratike denonocon praktikën e paprecedentë të kundërvënies ndaj procesit të liberalizimit të vizave Shqipëri- BE, nga Edvin Rama dhe Ditzi Bushati.
Zëdhënësja e Partisë Demokratike, Erla Mëhilli u shpreh sot se përpjekjet e gjithanshme të Edvin Kristaq Ramës, me bojkotin e Parlamentit dhe raportet fallco, me të cilat ai kërkon të bllokojë procesin e heqjes së vizave për shqiptarët, ai po ecën normalisht.
“Edvin Kristaq Rama, me pinjollin tjetër të bllokut Ditzi Bushatin derdhi lot krokodili për vizat, ndërkohë që në emër të bllokmenëve të rinj Rama vetëm pak muaj më parë dërgoi në Bruksel raportin me të cilin i kundërvihej heqjes së vizave për Shqipërinë e shqiptarët. Partia Demokratike informon qytetarët se me gjithë përpjekjet e gjithanshme të Edvin Kristaq Ramës, me bojkotin e Parlamentit dhe raportet fallco, me të cilat ai kërkon të bllokojë procesin e heqjes së vizave për shqiptarët, ai po ecën normalisht. Qeveria po plotëson të gjitha kërkesat dhe Partia Demokratike është e sigurt se në përputhje me premtimin e saj elektoral, vizat do të hiqen brenda vitit të parë të këtij mandati”, u shpreh zëdhënësja e Partisë Demokratike.
Sipas saj, i vetmi avantazh që kanë patur Malazezët,  Maqedonësit, madje edhe Serbët është fakti që nuk kanë pasur fatkeqsinë të kenë asnjë DITËZI në opozitën e tyre që të punojë dita ditës kundër këtij procesi e që tu bëj thirrje qytetarëve për të mos u pajisur me dokumenta biometrike identifikimi, i vetmi kusht ky për heqjen e vizave.